د جنبش ګوند مشر عبدالرشید دوستم له یوې امریکايي مجلې رولینګ سټون سره په خبرو کې ویلي چې که امریکا یې ملاتړ وکړي، افغانستان په ۲۴ ساعتونو کې بېرته نیسي. دوستم په امریکا غږ کړی چې د امریکا توپ او ټانک ته ضرورت نه لري، خو یوازې دې له ده څخه سیاسي ملاتړ وکړي. خو د افغانستان لپاره د امریکا ځانګړي استازي ټام ویسټ ویلي چې امریکا کله هم د افغان حکومت پر ضد د کوم مقاومت ملاتړ نه کوي او نور هم هڅوي چې دا کار ونه کړي. اوس پوښتنه دا ده چې ولې د خبرو اترو پر ځای د زور څرګندونې کېږي او پایلې څه کېدای شي؟

Views: 6