کابل (پژواک، ۱۸ لیندۍ ۱۴۰۰): د پژواک د څېړنیزو راپورونو د اېډېټر اباسین زهیر په ګډون، اوو تنو له فساد سره د مبارزې په برخه کې د ملګرو ملتونو د پراختیایي پروګرام د اتلولۍ کلنۍ جایزې تر لاسه کړې.
دغه جایزې نن (د ډسمبر نهمه) – چې له فساد سره د مبارزې له نړیوالې ورځې سره برابره ده- کابل کې یادو کسانو ته ورکړل شوه. 
دغه ورځ د افغان پرامونټ خیریه او پراختیایي موسسې(APWDO) له خوا د ملګرو ملتونو د پراختیایي پروګرام(UNDP) په مالي ملاتړ کابل کې ونمانځل شوه.
په یاده غونډه کې لسګونو تنو د پوهنتون استادانو، خبریالانو او د مدنی ټولنو غړو برخه اخیستې وه.
په افغانستان کې د ملګرو ملتونو د پراختیايي پروګرام د یادې ورځې په ویاړ د پژواک خبري اژانس اېډېټر اباسین زهیر په ګډون اووه کسانو ته د دغه سازمان له فساد سره د مبارزې د اتلولۍ کلنۍ جایزې ورکړې.
پژواک تېر کال هم دغه جایزه ګټلې وه.
په پاتې هغو شپږو کسانو کې نن یې یادې جایزې تر لاسه کړې، د پوهنتون استاد ګل رحمان رحماني، دیني عالم صفی الله عربزاده، د مدني ټولنې غړي شاه ولي احمد، د امید موسسې کارکوونکي بشیرالله او مدني فعال عزیزالله توکلي شامل و.
Views: 80
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن