کابل (پژواک، ۴ کب ۱۴۰۰): د امریکا متحده ایالتونو له افغانستانه د یو شمېر هنري او لرغونو اثارو پر واردولو د څلورو کلونو لپاره بندیز لګولی.
ځینو رسنیو راپور ورکړی، چې دا بندیز تېره ورځ لګول شوی دی.
یو راپور ښيي چې دغه بندیز د روان کال د فبرورۍ له اته لسمې د ۲۰۲۶ میلادي کال د اپرېل تر اته ویشتمې د اجرا وړ دی.
د راپورونو له مخې، د امریکا د بهرنیو چارو وزارت ویلي چې دا بندیز یې د فرهنګي توکو د اجارې قانون (CPIA) له مخې د لرغونو اثارو د قاچاق د مخنیوي په موخه لګولی دی.
په راپورونو کې په دې اړه جزییات نه دي خپاره شوي.
د افغانستان حکومت تر اوسه په دې اړه څه نه دي ویلي.
د افغانستان د ملي موزیم یوه اندازه اثار د اویایمې لسیزې د کورنیو جګړو پر مهال چور او یا زیانمن شول، ځینې یې بهر ته لیږدول شوي او ځینې یې هم په کور د ننه ساتل شوي و.
په تېرو دوو لسیزو کې بهر ته د لېږدول شویو اثارو ځینې بېرته افغانستان ته وسپارل شول.
Views: 24
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن