کورنيو چارو وزارت: د ټاپي پروژې عملي چارې تر څو ورځو پورې پیلېږي

کابل (پژواک، ۷ کب ۱۴۰۰): کورنیو چارو وزارت وایي چې د ټاپي پروژې امنیتي ‌طرحه له ترکمنستاني مقاماتو سره شریکه شوې او په نږدې راتلونکو ورځو کې به یې عملي چارې پیل شي.

ټاپي هند او پاکستان ته د افغانستان له لارې د ترکمنستان د ګاز لېږدونې پروژه ده چې په ۲۰۱۶ کال کې د افغانستان، پاکستان، ترکمنستان او هندوستان چارواکو پرانیسته.

د دې نللیکې عملي کار په ترکمنستان کې پای ته رسېدلی او ټاکل شوې په افغانستان کې یې هم کار په نږدې راتلونکي کې پیل شي.

د کورنیو چارو وزارت وایي چې د ټاپي پروژې امنیتي ‌طرحه یې له ترکمنستاني مقاماتو سره شریکه کړې ده.

login or register a new account.