پکتیا کې له پاکستانه راوړل شوې ۱۵ میله وسلې کشف او ترلاسه شوې دي

[restrict paid="true"]

کابل (پژواک، ۲۰ غبرګولی ۱۴۰۱): د استخباراتو رياست وايي، د پکتيا په مرکز ګردېز ښار کې له پاکستانه راوړل شوي دوه کلاشینکوفونه، ۱۳ تومانچې او يوه اندازه مهمات کشف او ترلاسه شوي دي.

د استخباراتو رياست پر ټويټر ليکلي چې دغه وسلې او مهمات له ګاونډي هېواد پاکستان څخه رالېږدول شوي او د پکتیا په مرکز ګردېز کې په یو ټانکر موټر کې په خورا مهارت ځای پر ځای شوي وو.

دا په داسې حال کې ده چې یاد ریاست وړمه ورځ ویلي وو چې امنيتي ځواکونو د پکتیکا د خیرکوټ ولسوالۍ اړوند په يوه کور کې يو راکټ، يو نارنجک، زرګونه بېلابېلې مرمۍ او نور مهمات کشف او ترلاسه کړي دي.

[/restrict]