ښرنه (پژواک، ۲۱ چنګاښ ۱۴۰۱): د پکتیکا ولایت د اطلاعاتو او فرهنګ ریاست وایي چې د دغه ولایت په سروبي ولسوالۍ کې، د ګاز ډبې چاودنې له امله یو تن وژل شوی او پنځه نور ټپيان دي.
د دغه ولایت د اطلاعاتو او فرهنګ رییس محمدامین حذیفه پژواک ته وویل، دغه پېښه پرون د سروبي ولسوالۍ په زړه کلا کې رامنځته شوې ده.
ده وویل، معلومات نه لري چې د پېښې په قربانيانو کې ښځې او ماشومان هم شامل دي او کنه.
خو زياته يې کړه چې ټپيان د درملنې په موخه د سروبي ولسوالۍ روغتون ته لېږدول شوي او روغتيايي وضعيت يې د ډاډ وړ ښودل شوی.
Views: 132
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن