د ریاست‌الوزراء اقتصادي معاونیت: افغانستان د منځنۍ او جنوبي آسیا ترمنځ د پله حیثیت خپل کړی

کابل (پژواک، ۱ تله ۱۴۰۱): د ریاست‌الوزراء اقتصادي معاونیت وایي، افغانستان د منځنۍ آسيا او جنوبي آسيا ترمنځ د يوه پله حيثيت خپل کړی او په نږدې راتلونکې کې به د سیمې پر څلورلارې بدل شي.

یاده شوې اداره دا څرګندونې داسې مهال کوي چې تېره ورځ د افغانستان، ازبکستان، قرغیزستان او چين د ګډ اقتصادي دهلېز اړوند پر سوداګريزو توکو بار لومړى اورګاډى بلخ ولايت ته راورسېد.

د ریاست‌الوزرا اقتصادي معاونیت په خبرپاڼه کې راغلي، افغانستان له جغرافيايي اړخه په سیمه کې ځانګړی ارزښت لري او دغه هېواد د منځنۍ آسيا او جنوبي آسيا ترمنځ د يوه پله حيثيت خپل کړی دی.

په خبرپاڼه کې یادونه شوې چې له همدې امله د ګاونډیو او سیمې له هېوادونو سره د افغانستان اقتصادي او سوداګریزې اړیکې نه یوازې افغانستان ته ارزښت لري، بلکې د ګاونډیو او سیمې هېوادونو لپاره هم خورا مهمې او ګټورې دي.

login or register a new account.