د کابل والي مولوي ندامحمد ندیم د لوړو زده‌کړو سرپرست وزیر وټاکل شو

[restrict paid="true"]

کابل (پژواک، ۲۶ تله ۱۴۰۱): د اسلامي امارت ویاند ذبیح‌الله مجاهد وایي، د کابل والي شیخ ندا محمد ندیم د لوړو زده‌کړو وزارت د سرپرست په توګه ټاکل شوی دی.

مجاهد د شپې ناوخته پخپل ټویټر کې لیکلي: «د امیرالمؤمنین د فرمان پر اساس د کابل ولایت مخکنی والي شیخ ندا محمد ندیم د لوړو زده‌کړو وزارت د سرپرست په حیث وټاکل شو.»

د یادونې ده، نوموړي تر دې مخکې د ننګرهار والي په توګه هم دنده ترسره کړې ده.

مجاهد د لوړو زده‌کړو د پخواني وزیر عبدالباقي حقاني د برخلیک په اړه څه نه دي ویلي.

د ننګرهار پوهنتون څو ورځې مخکې عبدالباقي حقاني ته د دوکتورا افتخاري سند ورکړی و.

[/restrict]