قلعهنو (پژواک، ۲۸ وری ۱۴۰۲): په بادغیس ولایت کې د اوبو د وېش پر سر د دوو کروندګرو ترمنځ د شخړې په پایله کې یو یې وژل شوی دی.
د بادغیس امنیې قوماندانۍ له مطبوعاتي دفتره په خپره شوې خبرپاڼه کې راغلي چې تېره شپه د دغه ولایت د غورماچ ولسوالۍ په تورجر سیمه کې د دوو کروندګرو ترمنځ د خپلو ځمکو اوبه کولو پر سر شخړه شوې ده.
سرچینې لیکلي، د دغې شخړې په پایله کې یو کروندګر د مقابل جانب له خوا په ډزو وژل شوی دی.
د خبرپاڼې په پای کې راغلي چې قاتل له سیمې تښتېدلی او د نیولو لپاره یې هڅې روانې دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن