اټلانټا (پژواک، ۲۱ زمری ۱۴۰۲) : د تکواندو ملي فدراسیون وايي، تېره ورځ افغان لوبغاړي علياکبر امیري په کوریا کې په تکواندو سیالیو کې نړۍوال اتل ته په ماتې ورکولو سره د سروزرو مډال وګاټه.
د تکواندو فدراسیون ویاند ذبیحالله شهزاد د زمري په ۲۱مه، پر خپله فیسبوکپاڼه لیکلي چې امیري د تکواندو ازادو سیالیو کې خپلو کاناډايي، قزاقي، کوریایي، او نایجیریایي سیالانو ته ماتې ورکړه او د لومړي ځل لپاره یې د افغانستان په تاریخ کې د جي ۲ په سیالیو کې د سرو زرو مډال وګاټه.
هغه وایي چې په دې سیالیو کې له بېلابېلو هېوادونو څخه سلګونه لوبغاړو برخه اخیستې ده.
د یادونې ده، د امیري د سویلي کوریا سیال عبدل اوسوفو په برازیل کې د المپیکي سیالیو نایب قهرماني او په نایجیر هېواد کې د نړۍوالې قهرمانۍ مډال ګتلی و، چې له افغان لوبغاړي څخه یې ماته وخوړه.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن