[restrict paid="true"]
لښکرګاه (پژواک، ۲۲ زمری ۱۴۰۲): د هلمند ځایي مسوولین وایي، د دغه ولایت دیشو ولسوالۍ کې ۴۰ کیلومتره سړک جوړ او ګټې اخستنې وسپارل شو.
د هلمند د اطلاعاتو او فرهنګ ریاست مرستیال مولوي محمدقاسم ریاض د زمري په ۲۲مه پژواک خبري اژانس ته وویل، پر دغه سړک چې ۴۰ کیلومتره اوږودوالی لري، څه باندې پنځهنیم میلیون افغانۍ لګښت راغلی دی.
د ریاض د معلوماتو له مخې، دغه سړک د یادې ولسوالۍ له مرکزه تر دویم خواجه علي سیمې پورې په خامه ډول جوړ شوی دی.
د هغه په وینا، پخوا خلک له ستونزو سره مخ وو چې اوس یې دا ستونزې هوارې شوې دي.
د یو بل خبر له مخي، په همدې ولسوالۍ کې د افغان بېسیم مخابراتي شبکې هم په فعالیت کړ.
نوموړي وویل، دغه شبکه به د ټيلېفوني مکالمو ترڅنګ د 2G او 3G انټرنېټ خدمات هم وړاندې کوي او د معلوماتو له مخې یې، د یادې مخابراتي شبکي په فعالیت سره به د خلکو ډېرې ستونزې هواري شي.
د یادونې ده، دا لومړی ځل دی چي په دې ولسوالۍ کې خلګ د ټیلېفوني شبکو له خدماتو برخمن کېږې.
[/restrict]
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن