کابل (پژواک، ۲۲ وږی ۱۴۰۲): د بهرنیو چارو وزارت وایي، رییسالوزراء د افغانستان لپاره د چین د نوي سفیر باورلیک ومانه او سفیر ژمنه وکړه چې د دواړو هېوادونو ترمنځ به د سیاست، اقتصاد او اړیکو پیاوړتیا لپاره هڅې کوي.
د یاد وزارت په خبرپاڼه کې راغلي چې نن د اسلامي امارت رییسالوزارء ملامحمدحسن اخند د بهرنیو چارو وزارت سرپرست مولوي امیرخان متقي په شتون کې د افغانستان لپاره د چین د نوي سفیر جاوشینګ باورلیک د یو لړ مراسمو په ترڅ کې ومانه.
د خبرپاڼې له مخې، د افغانستان لپاره د چین نوي سفیر په افغانستان کې پر خپل نوي ماموریت خوښي وښوده او ویې ویل: «دا زما لپاره د ویاړ ځای دی چې په افغانستان کې د چین سفیر په توګه خپله دنده پیلوم.»
د سرچینې د څرګندونو له مخې جاوشینګ ویلي چې چین د افغانستان د ښه ګاونډي په توګه د افغانستان استقلال، ځمکنۍ بشپړتیا او د پرېکړو استقلالیت ته بشپړ درناوی لري.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن