کابل (پژواک، ۲۵ تله ۱۴۰۲): د افغانستان کرکټ بورډ وایي، د کرکټ الف لوبډله نن له عمان سره د شل اوریزو سیالیو لوبلړۍ پیلوي.
د افغانستان کرکټ بورډ پر خپله فېسبوکپاڼه لیکلي، د دوو یو ورځنیو سیالیو له ګټلو وروسته افغان ابدالیان کرکټ لوبډله نن د افغانستان پر وخت ماسپښین دوه نیمې بجې د کوربه عمان لوبډلې پر وړاندې د شل اوریزو سیالیو لوبلړۍ پیلوي.
دغه راز افغان کرکټ الف لوبډلې له شل اوریزو لوبو مخکې عمان ته په دوه یو ورځنیو لوبو کې ماتې ورکړې ده.
د افغانستان کرکټ الف لوبډله د روانې تلې میاشتې په ۱۷مه له عمان سره د سیالیو په موخه دغه هېواد ته تللې ده.
GET IN TOUCH
NEWSLETTER
SUGGEST A STORY
PAJHWOK MOBILE APP