مجاهد د ټولشموله حکومت په تړاو د حکمتیار څرګندونې رد کړې

[restrict paid="true"]

اټلانټا(پژواک، ۱۷لېندۍ ۱۴۰۲): د سرپرست حکومت ویاند ذبیح الله مجاهد وایي، چې د امریکا لخوا اسلامي امارت ته د ټول شموله حکومت د جوړېدو په تړاو خبرې او د فهرست ورکولو ادعاوې حقیقت نه لري.

نوموړي د لېندۍ په ۱۷مه، په اېکس شبکه کې لیکلي، د افغانستان اسلامي امارت هېچرې هم له چا سره د دا ډول حکومت جوړیدو ژمنه نه ده کړې.

مجاهد ویلی، په دې اړوند د حکمتیار خبرې سمې نه دي، باید د هېواد مشران بې اسنادو خبرې ونه کړي.

تر دې مخکې ځینو رسنیو د حزب اسلامي د مشر ګلبدین حکمتیار په حواله خبر ورکړی و، چې ګوندې امریکا سرپرست حکومت ته د ټولشموله حکومت د جوړولو په تړاو کوم لېست ورکړی دی.

[/restrict]