مهترلام (پژواک ۲۷ لېندۍ ۱۴۰۲): د لغمان پوهنتون د ژورنالېزم پوهنځي محصلینو لپاره د عملي زدهکړو په موخه یوه راډیو پرانیستل شوه.
د لغمان د والي ویاند عبدالمالک نیازي د لېندۍ په ۲۷مه پژواک خبري اژانس ته وویل چې د لوړو زدهکړو سرپرست وزیر شیخ ندامحمد ندیم نن په دې موخه دغه ولایت ته سفر وکړ او د لغمان والي قاري زین العابدین عابد او نورو ځایي مسوولینو سره یې یو ځای د دغه راډیو پرانیسته وکړه.
هغه زیاته کړه، یاده راډیو چې شاوخوا پنځه میلیونه افغانۍ لګښت پرې راغلی، د FM په څپو کې خپرونې کوي.
په ورته مهال د ژورنالیزم محصلین د حکومت له دې اقدامه خوښ دي چې د تیوري درسونو ترڅنګ یې ورته د عملي زدهکړو زمینه برابره کړې ده.
د ژورنالېزم پوهنځي یوه محصل فاروق احمدزي پژواک ته وویل چې دوی به پخوا نورو محلي راډیوګانو ته د عملي زدهکړو لپاره تلل، خو اوس خوښ دي چې په پوهنتون کې ورته د عملي زدهکړو چاپېریال برابر شوی دی.
د یاد پوهنتون د ژورنالېزم پوهنځي یو بل محصل فرمانالله بیا وایي چې د دغه راډیو په جوړېدو سره به له ژورنالېزم څخه فارغ شوي محصلین وکولای شي په اسانۍ سره په نورو راډیوګانو کې دندې ترسره کړي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن