خوست کې یوه کس د خپلې خسرګنۍ پنځه غړي په ډزو وژلي

خوست ښار (پژواک، ۲۰ مرغومی ۱۴۰۲): د خوست امنیه قوماندانۍ وایي، د دغه ولایت په تڼیو ولسوالۍ کې یو کس د خپلې خسرګنۍ پنځه غړي په ډزو وژلي او یاد کس هم د امنیتي کسانو له لورې نیول شوی دی.

د خوست امنیه قوماندانۍ ویاند طاهر احرار پژواک خبري اژانس ته وویل چې دغه پېښه تېر ماښام د تڼیو ولسوالۍ د نریزو په سېمه کې شوې ده.

هغه وایي چې یاد کس خپل خسر، خواښې، دوه ښینې او يو اوښی وژلي دي.

د هغه په خبره چې امنیتي کسانو یاد کس نیولی او څېړنې ترې روانې دي.