نیلي (پژواک، ۶ سلواغه ۱۴۰۲): د دایکنډي د فوټبال فدراسیون وايي، د دغه ولایت د دولتی ادارو د ۳۲ لوبډلو ترمنځ د «ژمني جام» په نوم د فوټسال سیالۍ پیل شوې.
د یاد ولایت د فوټبال فدراسیون سرپرست نصرالله وفا پرون د «سلواغې ۵مه» پژواک خبري اژانس ته وویل، په دې سیالیو کې د ۳۲ دولتي ادارو لوبډلې برخه لري چې ټولې لوبې به د «ناصر خسرو» په جمنازیوم کې ترسره شي.
د نوموړي په خبره، له دې سیالیو څخه یې موخه د دولتي ادارو د فوټسال د غوره لوبغاړو پیژندل دي.
هغه زیاته کړه، د یادو سیالیو پرانیسته یې پرون د مستوفیت - لوړو زدهکړو او ولایتي روغتون – احصاییې لوبډلو ترمنځ په لوبو سره وکړه.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن