پلعلم (پژواک، ۱۴ سلواغې ۱۴۰۲): د لوګر امنیه قومانداني وايي چې د دغه ولایت په خوښۍ ولسوالۍ کې یوه کس د خپلې کورنۍ شپږ غړي وژلي دي.
د لوګر امنیې قوماندانۍ ویاند احمدالله انس پژواک خبري اژانس ته وویل چې تېره ورځ د خوښۍ ولسوالۍ په بالا ده سیمه کې د صفدرعلي په نوم یوه کس د تومانچې په وسیله خپله مېرمن، زوی، تره او د تره درې زامن وژلي دي.
هغه وايي چې پېښه د کورني تاوتریخوالي له امله شوې او صفدرعلي نیول شوی دی.
بلخوا د لوګر ولایت مقام هم د یوې خبرپاڼې په خپرولو پر یاده پېښه خواشیني څرګنده کړې ده.
خبرپاڼه زیاتوي چې پېښه د کورني تاوتریخوالي له امله شوې او امنیتي ځواکونه يې هر اړخیزه پلټنه کوي.
Views: 28
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن