فیروزکوه (پژواک، ۶ غبرګولی ۱۴۰۳): د غور امنیه قومانداني خبر ورکوي چې د دغه ولایت په بېلابېلو سیمو کې د نشهیي توکو د تولید ۲۰ کارخونې یې لهمنځه وړې دي.
د غور امنیې قوماندانۍ ویاند مولوي عبدالرحمن بدري پژواک خبري اژانس ته وویل: «د امنیې قوماندانۍ له نشهیي توکو سره د مبارزې او امنیتي ځواکونو د شپې او ورځې هڅو په پایله کې د نشهیي توکو د تولید ۲۰ کارخونې له منځه یووړل شوې.»
هغه څرګنده کړه، یادې کارخونې د دغه ولایت په ولسوالیو او ښار کې فعالې وې چې د امنیتي ځواکونو له لوري لهمنځه یووړل شوې.
خو د امنیې قوماندانۍ ویاند د یادو کارخونو په تړاو د خلکو نیول کېدو په اړه معلومات ور نه کړل.
نوموړي دغهراز زیاته کړه، امنیتي ځواکونو په دغه ولایت کې ۲۵ جریب ځمکه هم د کوکنار له کښته پاکه کړې ده.
Views: 9
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن