مهترلام (پژواک، ۹ غبرګولی ۱۴۰۳): د لغمان ځايي مسوولین وايي، د مهترلام ښار سلطانغازي بابا ښارګوټي کې د یوه کور د دېوال نړېدو له امله درې کسان مړه شوي او څلور نور ټيپان دي.
د لغمان د والي ویاند عبدالمالک نیازي پژواک خبري اژانس ته وویل، تېره شپه شاوخوا ۱۲ بجې د مهترلام ښار اړوند سلطانغازي بابا ښارګوتي کې د یوه کور دېوال نړېدو له امله درې کسان مړه شوي او څلور نور ټپیان دي.
هغه وايي، یاده پېښه د عبدالبصیر په نوم د یوه کس په کور کې رامنځته شوې چې د نوموړي په ګډون د هغه مېرمن او یوه کوچنۍ لور یې مړه شوي او څلور نور ماشومان یې ټپیان شوي دي.
د والي ویاند وویل، د پېښې ټپیان د مهترلام ولایتي روغتون ته انتقال شوي دي.
Views: 13
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن