کابل (پژواک، ۸ تله ۱۴۰۵): د هرات د امنیې قوماندانۍ چارواکي وایي، د اسلامکلا په بندر کې اورلګېدنه رامنځته شوې او د اوروژنې ځواکونه د اور د مهار او د خپرېدو د مخنیوي لپاره سیمې ته رسېدلي دي.
د هرات د امنیې قوماندانۍ ویاند سیدمسعود حسیني ویلي، په اسلامکلا بندر کې د اورلګېدنې له رامنځته کېدو وروسته د دې قوماندانۍ د اوروژنې ځواکونه له اړینو تجهیزاتو سره سیمې ته استول شوي دي.
حسیني زیاته کړې چې د اور د مهار او مړه کولو او نورو سیمو ته یې د خپرېدو د مخنیوي هڅې روانې دي.
د هغه په وینا، د اورلګېدنې د لامل او احتمالي زیانونو د کچې په اړه نور جزیات به له اړینو څېړنو وروسته له رسنیو سره شریک شي.
اسلامکلا بندر د هرات له مهمو سوداګریزو او ګمرکي مرکزونو څخه دی او هره ورځ ګڼ باروړونکي موټر او سوداګریز توکي له دې لارې لېږدول کیږي.
د هرات په اسلامکلا بندر کې اورلګېدنه
Views: ۲
زابل کې د ترافیکي پېښې له امله درې کسان مړه شوي
لغمان کې ترافیکي پېښه؛ یوه ښځه مړه او ۲۷ نور کسان ټپیان شوي
بغلان کې ترافیکي پېښه؛ یو کس مړ او پنځه نور ټپیان شوي
ننګرهار کې څلور ترافیکي پېښې؛ اووه کسان مړه او یو تن ټپي شوی
حالوش: په ایران کې د ترافیکي پېښې له امله ۷ افغان کډوالو ژوند بایللی
لوګر کې د یوې کورنۍ څلور غړي مسموم شوي؛ یوې ښځې ژوند له لاسه...
