کابل (پژواک ١٤ تله ٩٢): د نورستان ولايت د امنيه قوماندانۍ عملياتي قوماندان د ماين په يوه چاودنه کې ووژل شو.
د دې ولايت د والي وياند ظاهر بهاند د تلې په ١٤مه پژواک خبري اژانس ته وويل، چې دا پېښه نن سهار لس بجې په واما ولسوالۍ کې رامنځته شوې ده.
هغه زياته کړه، چې د امنيه قوماندانۍ عملياتي قوماندان مومن خان خپل کور ته تللى و او وسله والو مخالفينو د هغه د کور مخې ته ماين ځاى پر ځاى کړى و.
د بهاند په وينا، په دې چاودنه کې مومن خان لومړى ټپي و، خو وروسته يې ساه ورکړه.
وسله والو مخالفينو تر اوسه په دې اړه څه نه دي ويلي.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن