جلال اباد (پژواک، ١٢ چنګاښ ٩٥): د کندهار د خاکرېز ولسوالۍ ولسوال له يوې چاودنې روغ وتلى، خو په چاودنه کې د ملي اردو څلور سرتېري وژل شوي دي.
د کندهار امنيه قوماندان مل پاسوال عبدالرازق د چنګښ په ٢٢مه، پژواک خبري اژانس ته وويل، چې دا چاودنه نن غرمه مهال د خاکرېز ولسوالۍ په مربوطاتو کې شوې ده.
هغه زياته کړه چې د خاکرېز ولسوال حاجي مير حمزه له امنيتي ځواکونو سره يو ځاى د کندهار ښار پر لوري روان و چې په لاره کې پرې د سړک د غاړې ماين چاودنه شوې.
دى وايي چې ولسوال له چاودنې روغ وتلى، خو د ملي اردو څلور سرتېري وژل شوي او درې نور ټپيان دي.
د کندهار امنيه قوماندان وايي چې د پېښې په اړه پلټنې پيل شوې دي.
وسله والو مخالفينو تر اوسه په دې اړه څه نه دي ويلي.
login or register a new account.
