کابل (پژواک، ١٥ کب ٩٧ ): ولسمشر محمد اشرف غني نن سهار له يوه لوړ پوړي دولتي پلاوي سره د کونړ مرکز اسعد اباد ښار ته رسېدلى دى.
د ولسمشر وياند هارون چخانسوري د کب په ١٥مه پژواک خبري اژانس ته وويل چې ولسمشر به د کونړ د عامې روغتيا رياست اداري ودانۍ پرانيزي او د دوه سوه بستریز روغتون د بنسټ ډبره به کېږدي.
هغه زياته کړه، د دې تر څنګ به ولسمشر د کونړ ولايت له مشرانو، متنفذينو، علماوو، ځوانانو او ښځو سره هم جلا جلا کتنې ولري.
د کونړ د والي وياند عبدالغني مصمم وايي چې ولسمشر به د ۷۷۷ ميليونه افغانيو په ارزښت د اتو رغنیزو پروژو پرانيسته کوي.
کونړ ته د ولسمشر اشرف غني د سفر نور جزئيات به وروسته خپاره شي.
login or register a new account.
