کابل (پژواک، ١٨ غويى ٩٨): په افغانستان کې د يوې غير نظامي پېښې پر مهال ټپي شوي امريکايي سرتېري په روغتون کې ساه ورکړې ده.
په واشنګټن کې د امريکا د دفاع وزارت له خوا د غويي په ١٨مه په يوه خپره شوې خبرپاڼه کې راغلي چې دغه ٢٢ کلن سرتېرى درې ورځې مخکې په ننګرهار ولايت کې د خپل ماموريت پر مهال په يوه غير نظامي پېښه کې ټپي شوى و.
خو سرچينې زياته کړې چې د يادې پېښې په اړه پلټنې پيل شوې دي.
د امريکا دفاع وزارت په دې اړه نور جزئيات نه دي خپاره کړي.
د يادونې ده، دوه ورځې مخکې په کندهار ولايت کې هم د يوې غير نظامي پېښې پر مهال د ناټو دوه رومانيايي سرتېري ټپيان شوي وو.
login or register a new account.
