کابل (پژواک، ٢٧ غبرګولى ٩٨): د افغانستان د ملي امنيت سلاکار ډاکتر حمدالله مُحب په يوه امنيتي کنفرانس کې د ګـډون لپاره روسيې ته ولاړ.
د ملي امنيت شورا وياند طارق ارين د غبرګولي په ٢٧مه پژواک خبري اژانس ته وويل چې دغه کلنى امنيتي کنفرانس د روسيې په يوفا ښار کې سبا پيلېږي.
هغه زياته کړه چې ډاکتر محب دغه سفر او ګډون د روسيې د ملي امنيت شورا د سلاکار نيکولا پاټريوشيو په رسمي بلنه کوي.
د نوموړي په وينا، دا غونډه سبا پيلېږي او درې ورځې به دوام کوي.
login or register a new account.
