په مزار ښار کې د دوو چاودنو له امله ۱۱ تنو ته مرګ ژوبله اوښتې

کابل (پژواک، ۱۱چنګاښ۹۹): د بلخ امنیتي مسوولین وايي چې د مزارشریف ښار د درېیمې حوزې په ساحه کې دوه پرله پسې چاودنې شوې دي چې ۱۱ کسانو ته یې مرګ ژوبله اړولې ده.

د بلخ د امنیه قوماندانۍ ویاند عادل شاه عادل رسنیو ته په یوه لېږلي پیغام کې وویل، څو شېبې وړاندې د مزارشریف په درېیمه حوزره کې د باران په نوم یوه هوټل ته څېرمه د دوو سړکونو ترمنځ په ګلدان کې ځای پر ځای شوي چاودېدونکو توکو چاودنه کړې چې ۵ ملکیان یې ټپیان کړی دي.   

دی وايي، د پېښې ځای ته د امنیتي ځواکونو په رسېدو سره سم بله چاودنه هم شوې چې یو تن یې وژلی او ۵ تنه پولیس یې ټپیان کړې دي.  

په دې به اړه نور جزییات وروسته خپاره شي.