د روغې جوړې عالي شورا رییس تاجکستان ته سفر وکړ

کابل (پژواک، د مرغومي لومړۍ نېټه ٩٩): د ملي مصالحې عالي شورا رییس ډاکتر عبدالله عبدالله د سولې د هڅو ملاتړ د جذب په موخه د سیمې هېوادونو ته د سفر په دوام نن سهار د تاجکستان په رسمي بلنه د یوه لوړپوړي پلاوي په مشرۍ دوشنبې ته ولاړ.

د یادې شورا په هغې خبرپاڼه کې چی نن سهار خپره شوې او پژواک خبري اژانس ترلاسه کړې، راغلي چې د ملي مصالحې عالي شورا رییس به په دغه سفر کې له ولسمشر امام‌ علي‌ رحمن، له لومړي وزیر قاهر رسول‌زاده، د استازو مجلس له رییس محمد طاهر ذاکرزاده او د بهرنیو چارو له وزیر سراج‌ الدین مهرالدین سره د افغانستان د سولې په تړاو د فرصتونو او ننګونو په اړه خبرې وکړي.

سرچینې زیاته کړې، د ملي مصالحې عالي شورا رییس ډاکتر عبدالله عبدالله د افغان سولې له بهیره د ملاتړ د جذب په موخه پاکستان، ایران، هند، ازبکستان او ترکیې هېواودونو ته سفرونه کړي او د یادو هېوادونو له مشرانو سره یې خبرې کړې دي.