کابل (پژواک، ۱۷ مرغومی ۹۹: د افغان دولت او طالبانو ترمنځ دسولې خبرو اترو د دویم پړاو مقدماتي ناسته ترسره شوه.
افغانستان د اسلامي جمهوریت او طالبانو مرکچي پلاوي په قطر کې له اتیا ورځو بحثونو وروسته د سولې خبرو پر تګلاره هوکړه وکړه او بیا یې له مشرانو سره د سلا مشورو لپاره درې اوونۍ رخصت وکړ.
ټاکل شوې وه، چې دویم پړاو خبرې پرون پیل شوې وای، خو د هوا دخرابوالي له امله د افغان دولت دپلاوي سفر یوه ورځ وځنډید او پرون دوحې ته ورسید.
د طالبانو دقطر دفتر ویاند ډاکتر نعیم د مرغمومي په ۱۷مه، ماخوستن مهال په ټویټر کې لیکلي، چې نن ماښام د بين الافغاني مذاکراتو د دواړوړ لوريو تر منځ د مذاکراتو دويم پړاو د يوې مقدماتي ناستې په ترڅ کې پيل شو.
هغه زیاته کړې، په دې ناسته کې پريکړه وشوه چې د راتلونکې شنبې په ورځ به د دواړو لوريو له خوا د اجنډا د موضوعاتو څېړلو لپاره ټاکل شوي ټيمونه په خپل کار پيل کوي.
د افغان دولت مذاکراتي ټیم لخوا هم په یوه خپره شوې خبرپاڼه کې راغلي چې نن مقدماتي ناسته شوې او د شنبې په ورځ به پر ایجنډا خبرې کیږي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن