استانبول کې د غالیو نړۍوال نندارتون پرانیستل شو

<p style="text-align: justify;">کابل (پژواک، ۱۸ مرغومی ۱۴۰۳): د صنعت او سوداګرۍ وزارت وايي، د ترکیې په استانبول ښار کې د غالیو لوی نړۍوالو نندارتون پرانیستل شو چې د افغانستان د غالیو سکټور اتو شرکتونو هم پکې ګډون کړی دی.</p>

<p style="text-align: justify;">د افغانستان د صنعت او سوداګرۍ وزارت نن پر اېکس‌پاڼه لیکلي چې دغه نندارتون د (Carpet and Flooring Expo 2025) نوم د دغه وزارت د استازي، ترکیه کې د اسلامي امارت د جنرال قنسول، د افغانستان د سوادګریزې اتشې، د مدیره پلاوي او د افغانستان د غالیو صادروونکو په شتون کې استانبول ښار کې پرانیستل شو.</p>

<p style="text-align: justify;">سرچینې لیکلي چې دا یو ستر نړۍوال نندارتون دی او د اوږدې مودې لپاره د پېرېدونکو جلبولو په موخه جوړ شوی دی.</p>

<p style="text-align: justify;">شرچینې زیاته کړې، په یاد نندارتو کې د نړۍ ۱۹ هېوادونو خپلې ماشیني او په لاس جوړې شوې غالۍ د څلورو ورځو لپاره نندارې ته وړاندې کړې دي.</p>

<p style="text-align: justify;">سرچینې د دغو ۱۹ هېواونو نومونه نه دي په ډاګه کړي.</p>

<p style="text-align: justify;">د سرچینې د معلوماتو له مخې، په دغه نندارتون کې پر ۲۲۷ متره مربع ځمکه د افغانستان د غالیو سکټور اتو شرکتونو خپل محصولات نندارې ته وړاندې کړي دي.</p>