د کابل ښار پرونۍ چاودنه کې درې مامورينې او يوه ماشومه وژل شوې دي

کابل (پژواک، ٢٦ کب ٩٩): امنيتي سرچينې وايي چې د کابل ښار په پرونۍ چاودنه کې درې ښځينه مامورينې او يوه ماشومه وژل شوې دي.

د چسپکي ماين دا چاودنه پرون له غرمې وروسته شاوخوا درې نيمې بجې د کابل ښار دويمې امنيتي حوزې اړوند د دهن باغ په سيمه کې پر يوه کاسټر موټر وشوه.

د کابل پوليسو وياند فردوس فرامرز پرون پژواک اژانس ته وويل چې په دې چاودنه کې ١٥ ملکي وګړي ټپيان شوي دي.

خو نن ځينو سرچينو ويلي چې په دې چاودنه کې د اطلاعاتو او کلتور، پوهنې او مخابرات وزارتونو درې ښځينه مامورينې وژل شوې دي.

login or register a new account.