کابل(پژواک,۱۴وږی۱۴۰۰): د طالبانو سیاسي مرستیال ملابرادر اخند په بشري برخه کې د ملګرو ملتونو د سرمنشي له ځانګړي استازي سر د ګډو همکاریو په اړه خبرې وکړې.
د طالبانو د سیاسي دفتر ویاند ډاکتر نعیم وایي چې دغه لیدنه نن د هېواد په بهرنیو چارو وزارت کې ترسره شوه.
هغه وویل چې په دغفې لیدنه کې ملابرادر اخند او مل پلاوي یې په بشري برخه کې د ملګرو ملتونو د سرمنشي له ځانګړي استازي مارټن ګرفتس سره د مرستو د دوام په اړه خبرې وکړې.
د نوموړي په خبره, د ملګرو ملتونو پلاوي له افغان ولس سره د همکاريو او مرستو د دوام ژمنه وکړه او زياته يې کړه چې د مرستندويه هېوادونو په راتلونکې ناسته کې به د لا زياتو مرستو د راجلبولو لپاره هڅې وکړي.
د نعیم په خبره, اسلامي امارت د دوی د همکاريو او هڅو مننه وکړه او له خپله اړخه يې د هر ډول همکاريو او تسهيلاتو برابرولو ډاډ ور کړ.
ټاکل شوې چې په جینوا کې له افغانستان سره د بشري مرستو په موخه نړیواله غونډه جوړه شي
Visits: 15
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن