کابل (پژواک، ۱۵ لېندۍ ۱۴۰۰): په چين کې د افغانستان سفير وايي، د چين حکومت له افغانانو سره د کرونا یو میلیون دوزه واکسین مرسته کړې چې تر راتلونکو دوو ورځو به افغانستان ته ورسېږي.
د افغانستان د عامې روغتیا وزارت معلومات له مخې، تر اوسه په ټول هېواد کې ۷ میلیون دوزه واکسین تطبیق شوی او دا مهال په افغانستان کې تر سل زره دوز ډېر واکسین موجود دی.
په پیکینګ کې د افغانستان سفیر جاوېد احمد قایم نن (د لېندۍ ۱۵مه) پر خپل ټویټر لیکلي چې ټاکل شوې تر راتلونکو دوو ورځو یو میلیون دوز واکسین او ۱،۶
میلیونه سورنج یا ستنې کابل ته ورسېږي.
هغه ویلي، د چین چارواکو ژمنه کړې چې ژر به د افغانستان له خلکو سره د نورو روغتیایي تجهیزاتو او خوراکي توکو مرسته هم وکړي.
چین وایي چې دغه هېواد د افغانستان لپاره د ۴،۷ میلیونو ډالرو په ارزښت د بشري مرستو نوې بسته برابروي.
د پژواک د راپوره پر اساس، د سرپرست حکومت د ویاند مرستیال احمدالله وثیق نن سهار پر ټویټر پاڼه لیکلي چې چین د افغانستان لپاره د ۴،۷ میلیونو ډالر په ارزښت د مرستو نوې بسته چمتو کوي.
Views: 17
GET IN TOUCH
NEWSLETTER
SUGGEST A STORY
PAJHWOK MOBILE APP