کابل (پژواک، ۵ مرغومی ۱۴۰۰): د افغانستان د هوايي چلند ملکي اداره وايي چې د رادار هغه درې پایې چې له فرانسې واردې شوې وې د کابل، هرات او بلخ هوايي ډګرونو کې نصبېږي.
د هوايي چلند ملي ادارې په خبرپاڼه کې راغلي: ((د سرتاسري رادار لومړۍ پایه کابل کې د نصب لپاره ځانګړې شوې، د سرتاسري رادارونو لومړۍ محموله فرانسې څخه افغانستان ته وارد شوې وې او کابل نړیوال هوايي ډګر کې ترانسپورټ او د هوايي چلند ادارې ته وسپارل شوه.))
سرچینې لیکلي چې د هېواد د سراسري رادار د ماشینونو د نصب تړون د ۱۱۲ میلیون یورو په ارزښت له تالس فرانسوي شرکت سره شوی او د یاد تړون له مخې په کابل، بلخ او هرات ولایتونو کې نصبېږي، ټاکل شوې د ۲۰۲۳ کال تر پای ته رسېدو مخکې د هوايي حریم د کنټرول سیستم د رادار یاد ۱۲ سایټونه د هېواد په ۱۲ نقطو کې نصب او عملیاتي شي.
Views: 19
GET IN TOUCH
NEWSLETTER
SUGGEST A STORY
PAJHWOK MOBILE APP