کابل (پژواک، ۲ کب ۱۴۰۰): د افغانستان سرپرست حکومت وايي، د ترکیې یو خیریه بنسټ غزني کې د یو داسې دارالایتام جوړول په پام کې لري چې د شل زره یتیمانو د روزنې مرکز به وي.
د ارګ پر ټوېټرپاڼې نن لیکل شوي چې د ریاست الوزرا اداري مرستیال مولوي عبدالسلام حنفي د ترکیې د ای اېچ اېچ (IHH) خیریه بنسټ مشر بولنټ یالدرم سره لیدلي دي.
په خبرپاڼه کې راغلي چې بولنټ یالدرم له افغانستان سره د ترکیې د خلکو د مرستو جلب، په غزني کې د یوه داسې دارالایتام د تاسیس خبره وکړه چې په راتلونکي کې به د شل زره یتیمانو د روزنې مرکز وي.
سرچینې زیاته کړې چې یاد بنسټ د کابل د جنګلک د نشه یي توکو د روږدو کسانو له روغتون سره د مرستې یادونه هم کړې ده.
login or register a new account.
GET IN TOUCH
NEWSLETTER
SUGGEST A STORY
PAJHWOK MOBILE APP