حکومت د يوناما ماموریت غځېدو هرکلى وکړ

کابل (پژواک، ۲۷ کب ۱۴۰۰): حکومتي چارواکي په افغانستان کې د ملګرو ملتونو ماموریت (یوناما) د کاري مودې غځېدو هرکلى کوي او وايي چې دا د افغانستان په ګټه دى.

تېره ورځ د ملګرو ملتونو امنیت شورا یو پرېکړه لیک منظور کړ چې له مخې یې په افغانستان کې د دغه سازمان ماموریت د یو بل کال لپاره تمدید شو.

د اسلامي امارت ویاند ذبیح الله مجاهد پر خپله ټويټرپاڼه لیکلي چې په افغانستان کې د ملګرو ملتونو ماموریت وخت تمدیدېدل د افغانستان په ګټه دي او سرپرست حکومت یې هرکلی کوي.

ده لیکلي: «هیله مو دا ده چې د یوناما له لارې نړیوال له اسلامي امارت سره اړیکې پیاوړې او رسمي کړي، همدا ډول په بشري، طبي او عمراني برخو کې د افغانستان د خلکو ملاتړ او مرسته وشي.»

login or register a new account.