کابل (پژواک،۳۱ وری ۱۴۰۱): د امریکا متحده ایالتونو ویلي هغو افغان کډوالو سره چې په پاکستان کې مېشت دي، ۴۸ میلیونه ډالر مرسته کوي.
په پاکستان کې د امریکا سفارت نن د وري په ۳۱ مه په یوه ټویټ کې د یادو مرستو خبر ورکړی دی.
دغه سفارت زیاته کړې: «له پاکستانه مننه کوو چې د افغان کډوالو سخاوتمندانه کوره توب کوي او پر ملاتړ یې ویاړو.»
د یادونې ده، په پاکستان کې مېشت د افغان کډوالو ملاتړ لپاره د متحده ایالتونو دې ۴۸ میلیون ډالر مرستو سره، د دغه هېواد لخوا ټولې مرستې ۲۶۲ میلیون ډالرو ته رسېږي.
GET IN TOUCH
NEWSLETTER
SUGGEST A STORY
PAJHWOK MOBILE APP