لښکرګاه کې اورلګېدنې شاوخوا یو میلیون افغانۍ زیان اړولی

[restrict paid="true"]

لښکرګاه (پژواک، ۴ چنګاښ ۱۴۰۱): د هلمند د اطلاعاتو او کلتور ریاست وايي چې د دغه ولایت په مرکز لښکرګاه کې د اورلګېدنې له امله یو دوکان سوځېدلی او نږدې یو میلیون افغانۍ زيان يې اړولی دی.

د دغه ولایت د اطلاعاتو او کلتور ریاست مرستیال مولوي محمدقاسم ریاض پژواک ته وویل چې اورلګېدنه تېره شپه د لښکرګاه ښار په لومړۍ ناحيه کې د عمري مارکېت په يوه دوکان کې رامنځته شوه.

هغه د اورلګېدنې د لامل په اړه څه ونه ویل خو زياته يې کړه چې د اوروژنې ډله پر وخت سيمې ته ورسېده او د نورو دوکانونو د سوځېدو مخه يې ونیوه.

[/restrict]