شبرغان (پژواک، ۱۰ زمری ۱۴۰۱): د جوزجان ولايت د اقچې ولسوالۍ ځیني اوسېدونکي ادعا کوي چې په دې ولسوالۍ کې ناامني زياته شوې؛ خو مسوولين بیا د امنيتي وضعيت د ښه کېدو خبره کوي او له خلکو غواړي چې د امنيت په ټینګښت کې دې خپله همکاري ډېره کړي.
د اقچې ولسوالۍ يوه اوسېدونکي احمد فهيم پژواک خبري اژانس ته وويل، د تېر حکومت پر مهال هم ناامنۍ وې خو د تېر نظام له پرځېدو وروسته خلکو هيله درلوده چې امنيتي وضعيت به ښه شي.
هغه وایي چې د تېر نظام د نسکورېدو په پيل کې امنيتي وضعيت نسبتاً ښه و، خو په وروستيو مياشتو کې وضعيت بېرته خراب شوى دى.
د ده په باور، د بېوزلۍ او بېکارۍ زیاتېدل د جرمونو د زیاتوالي لامل شوی دی.
هغه وويل: «په دې وروستيو کې په لارو او کوڅو کې غلاوې او وسلهوالې غلاوې ډېرې شوې او ان د يوه ساده او ارزانه موبايل لپاره هم خلک د غلو له خوا وهل کېږي.»
نوموړي زياته کړه، تر څو چې خلکو ته د کار زمينه برابره نه شي، د غلاوو او وسلهوالو تښتونو کمېدل ستونزمن دي.
د اقچې ولسوالۍ بل اوسېدونکي وویل: «د شپې له خوا د غلو له شره د خوندي پاتې کیدو لپاره د خپلو کورونو په بام ویده کېږو، څو زموږ کورونه د دوی تر برید لاندې رانه شي.»
هغه زیاته کړه: «کله چې غله د خیاطۍ یو ساده دوکان چې ټول شته یې په دوه پایې ماشینونو خلاصه کېږي، غلا کوي، نو د خلکو پر کورونو هېڅکله رحم نه کوي؛ په اقچه ولسوالۍ کې د موبایل له غلا نیولې بیا د کورونو تر لوټلو جریان لري او له بده مرغه دا پدیده ورځ تر بلې زیاتېږي.»
يادو دواړو سرچينو له مسوولينو وغوښتل چې د امنيت په ټينګښت کې دې هڅې وکړي.
د جوزجان ولايت امنيه قوماندان داملا سراجالدين احمدي په دې ولسوالۍ کې د ناامنيو زياتوالى ردوي او وايي، امنيتي ځواکونه د امنيت په ټينګښت کې هېڅ ډول هڅې نه سپموي.
. . .
You need to subscribe to view the full article. Please login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن