اقتصادي کمېسیون: محاکم دې د قبالو او خصوصي بانکونه دې د اسلامي قرضو ورکړه پیل کړي

کابل (پژواک، ۲۷ زمری ۱۴۰۱): د سرپرست حکومت اقتصادي کمېسیون پرېکړه کړې چې خصوصي بانکونه دې د مرکزي بانک د طرزالعمل پر اساس خلکو ته د اسلامي قرضو او محاکم دې د جایدادونو او ملکیتونو د شرعي قبالو ورکړه پيل کړي.

دغه راز یاد کمېسیون پرېکړه کړې چې په سرپل کې د سلطان ابراهیم درې او شیرآبه بندونو او د دغه ولایت د ښاري حلقوي سړک سروې‌ګانې دې پيل شي.

د ریاست‌الوزراء د اقتصادي مرستیال ملا عبدالغني برادر اخند له دفتره رسنیو ته په لېږل شوې خبرپاڼه کې راغلي چې نن د اقتصادي کمېسیون د ١٤٤٤ هـ ق کال په دویمه غونډه کې د ټاپي پروژې د رهبرۍ کمېټې لپاره د افغانستان له لوري ملا عبدالغني برادر اخند او د کانونو او پټرولیم سرپرست وزیر شیخ شهاب‌الدین دلاور د استازو په توګه معرفي کړل.

د اعلاميې د معلوماتو له مخې، د ټاپي پروژې اړوند د هېوادونو په کچه غونډه کې به ملا برادر او د وزيرانو په کچه غونډه کې به دلاور ګډون کوي.

login or register a new account.