اټلانټا (پژواک، ۱۴ وږی ۱۴۰۱): د بریتانیا د بهرنیو چارو پخوانۍ وزیره او د محافظهکار ګوند مشره لیز ټرس د دغه هېواد لومړۍ وزیره ټاکل شوې ده.
له دې مخکې نوموړې په ګوندي ټاکنو کې تر ټولو ډېرې د ۸۰ زره رایو په اخیستو سره د محافظهکار ګوند مشره وټاکل شوه.
د بيبيسي د خبر له مخې، مېرمن ټرس په ګوند کې دننه تر خپل سیال رشي سونک ډېرې رایې اخیستې او د څه باندې ۸۰۰۰۰ رایو په اخیستو د ټاکنو ګټونکې اعلان شوه.
د رسمي شمېرو له مخې، په یادو ټاکنو ګډون پراخ و، ټولټال ۸۲،۶ سلنه رایې کارول شوې وې چې ۵۷ سلنه مېرمن ټرس اخیستې دي.
ټاکل شوې مېرمن ټرس سبا سې شنبې د بریتانیا د ملکې لیدو ته ورشي او رسماْ د برتانیا د لومړۍ وزیرې په توګه چارې ور وسپارل شي.
I am honoured to be elected Leader of the Conservative Party.
Thank you for putting your trust in me to lead and deliver for our great country.
I will take bold action to get all of us through these tough times, grow our economy, and unleash the United Kingdom’s potential. pic.twitter.com/xCGGTJzjqb
— Liz Truss (@trussliz) September 5, 2022
ټرس د پایلو له اعلان وروسته د وینا پر مهال له خپلو پلویانو مننه وکړه، ويې ویل: «ویاړم چې د محافظهکار ګوند مشره وټاکل شوم، مننه چې په ما مو باور وکړ او د هېواد مشري مو راوسپارله، ژمنه یم چې په سختو حالاتو کې به زړور اقدامات وکړم.»
لیز په خپلو خبرو کې د بریتانیا د اوسني لومړي وزیر بورېس جانسن د هڅو ستاینه هم وکړه چې د اوکراین په جګړه کې یې د روسیې ولسمشر ولادیمیر پوتین پر وړاندې دریځ غوره کړی او په وینا یې له اروپايي ټولنې د بریتانیا وتلو پروګرام (برېګزيټ) ته یې د پای ټکی کېښود.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن