د کندهار پوهنې رییس: که مشرتابه اجازه ورکړي، د نجونو ښوونځیو پرانیستلو ته چمتووالی لرو

کندهار (پژواک، ۱۶ وږی ۱۴۰۱): په کندهار کې نن د وږي په ۱۶مه، نوی ښوونیز کال پیل شو چې په مناسبت یې د کندهار ښار په زرغونې انا لېسه کې مراسم جوړ شوي وو.

په دغو مراسمو کې د پوهنې ریاست د مسوولینو ترڅنګ، ښوونکو، زده‌کوونکو او یو شمېر نورو چارواکو ګډون درلود.

د کندهار د پوهنې رییس مولوي فخرالدین نقشبندي په یادو مراسمو کې وویل چې دا مهال په کندهار ښار او ولسوالیو کې ټول ۶۰۰ ښوونځي پرانیستي دي او هیڅ ښوونځی بند پاتې نه دی.

په تېرو کلونو کې د جګړې او نورو ستونزو له امله په یاد ولایت کې تر ۱۰۰ ډېر ښوونځي بند وو.

login or register a new account.