کابل (پژواک، ۱ تله ۱۴۰۱): د هېواد اکاډمیکه څېره سرمحقق سید امین مجاهد - چې کلونه یې په بېلابېلو ادارو کې کار کړی و - تېره شپه د انګلستان په برمنګم ښار کې د سرطان ناروغۍ له امله مړ شو.
د نوموړي خپلوان او د افغانستان د علومو اکاډمۍ غړي سید نظیم سیدي پژواک خبري اژانس ته وویل، سرمحقق سید امین مجاهد د افغانستان په بېلابېلو ادارو، ملي راډیو ټلوېزیون، نظامي پوهنتون، د ټاکنو خپلواک کمېسیون، د بشري حقونو کمېسیون، علومو اکاډمۍ او یو شمېر وزراتونو کې دندې اجرا کړې وې.
ده زیاته کړه چې هغه د ژورنالیزم، تاریخ او ادبیاتو په برخو کې پر ګڼو آثارو لرلو سربېره، مشهور شاګردان هم روزلي وو.
دی وايي، نوموړی تېره شپه (د وږي ۳۱مه) د انګلستان د برمنګم ښار په یوه روغتون کې د سرطان ناروغۍ له امله وفات شو.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن