ځينو خبریالانو «اطلاعاتو ته د لاسرسي حق» قانون پلي کېدو غوښتنه وکړه

کابل (پژواک، ۶ تله ۱۴۰۱): اطلاعاتو ته د لاسرسي ورځې سره هم‌مهاله، ځينو خبریالانو، د رسنیو مسوولینو او د خبریالانو ملاتړو بنسټونو د یوه لیک له لارې له سرپرسته حکومته غوښتي چې اطلاعاتو ته د لاسرسي قانون نافذ او اطلاعاتو ته د لاسرسي کمېسیون دې بېرته فعال کړي.

نن د سپټمبر ۲۸مه چې د تلې له ۶مې سره سمون خوري، اطلاعاتو ته د لاسرسي نړۍواله ورځ ده.

«د افغانستان د ژورنالیستانو او رسنیو بنسټونو فدراسیون» غړي میرعلي اصغر اکبرزاده په همدې مناسبت ناسته کې، هغه لیک ولوسته چې د هېواد د بېلابېلو رسنیو د ۵۰۰ خبریالانو او له خبریالانو څخه د  ملاتړو  ۱۳ بنسټونو له خوا د دغه فدراسیون تر چتر لاندې چمتو شوی و.

دغه لیک چې د ریاست الوزراء مقام ته لیکل شوی، له سرپرست حکومته په افغانستان کې اطلاعاتو ته د لاسرسي وضعیت په تړاو درېیو مواردو ته د پاملرنې غوښتنه شوې ده.

login or register a new account.