ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ټام ویسټ ویلي، له پاکستاني چارواکو سره یې په افغانستان کې پر خپلو مشترکو ګټو خبرې کړې

ټام ویسټ ویلي، له پاکستاني چارواکو سره یې په افغانستان کې پر خپلو مشترکو ګټو خبرې کړې

author avatar
25 Oct 2022 - 01:58
ټام ویسټ ویلي، له پاکستاني چارواکو سره یې په افغانستان کې پر خپلو مشترکو ګټو خبرې کړې
author avatar
25 Oct 2022 - 01:58

اټلانټا (پژواک، ۲ لړم ۱۴۰۱): د افغانستان لپاره د امریکا ځانګړی استازی وایي چې له پاکستاني چارواکو سره یې په افغانستان کې د دواړو هېوادونو پر ګډو ګټو خبرې کړې دي.

پاکستاني رسنۍ (پاکستان ابزرور) د لړم په ۲مه خبر ورکړی چې ټام ویسټ دا څرګندونې په خپلې یوې تازه مرکه کې کړې دي.

د سرچینې د معلوماتو له مخې، د امریکا ځانګړي استازي په مرکه کې ویلي چې دوه اونۍ مخکې پاکستان ته د سفر پر مهال یې د دغه هېواد له ځایي ملکي او پوځي چارواکو سره ګټورې خبرې کړې دي.

د ویسټ په وینا، په دې لیدنو کې یې له پاکستاني لوري سره د افغانستان په اړه د دواړو هېوادونو د ګډو ګټو په اړه غږېدلی دی.

نوموړی زیاته کړې، پاکستان د امریکا مهم همکار دی او دواړه هېوادونه به په ګډه په بېلابېلو برخو کې کار کوي.

د افغانستان په اړه د امریکا ځانګړي استازي ویلي: «پاکستان او امریکا د هغو ترهګرو ډلو په اړه اندېښنه لري چې د اسلام‌اباد له خوا پرې بندیز لګول شوی دی.»

هغه په ځانګړې توګه د تحریک طالبان پاکستان ډله یاده کړه چې پاکستان یې پر وړاندې اقدامات پیل کړي دي.

نوموړی وایي چې د تحریک طالبان پاکستان (ټي‌ټی‌پي) وروستي بریدونه د پاکستان لپاره یوه ننګوه ده.

 

Views: 108

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.