ننګرهار کې رسنۍ او خبريالان د اقتصادي او اطلاعاتو ته د نه لاسرسي ستونزو هواري غوښتنه کوي

جلال‌اباد (پژواک، ۱۱ لړم ۱۴۰۱): ننګرهار کې د رسنيو مسوولين او خبريالان وايي، لا هم د اقتصادي او اطلاعاتو ته نه لاسرسي ستونزې يې د کارونو پر وړاندې خنډ دي چې بايد حکومت او د رسنيو ملاتړ بنسټونه يې د حل لپاره اقدام وکړي.

د معلوماتو له مخې، په تېر شاوخوا يو کال کې په ننګرهار کې د اقتصادي ستونزو له امله شپږو راډيوګانو خپل نشرات بند کړي او له لسو ډېرې فعالې رسنۍ هم خپلو همکارانو ته تر ډېره د معاشونو ورکړې توان نه لري.

د جمهوريت له سقوط مخکې په ننګرهار کې ۲۳ راډيوګانو او ټلوېزيونونو نشرات کول خو اوس له دې ډلې ۱۲ رسنۍ نشرات لري او نورې يې څه له سقوط مخکې او څه هم وروسته د اقتصادي او نورو ستونزو له امله تړل شوې دي.

ننګرهار کې د غږيزو رسنيو اتحاديې مسوول شفيق الله رحماني پژواک اژانس ته وويل، په تېر يوه کال کې ۶ اېف اېم راډيوګانو د اقتصادي ستونزو له امله خپل نشرات بند کړي دي.

login or register a new account.