ایران وایي، له روسیې سره یې د افغانستان په اړه خبرې کړې دي

[restrict paid=”true”]

اټلانټا (پژواک، ۲۳ لړم ۱۴۰۱): افغانستان لپاره د ایران ځانګړي استازي ویلي چې له روسیې سره یې د افغانستان په تړاو خبرې کړې دي.

د ایران ځانګړي استازي حسن کاظمي قومي د لړم په ۲۳مه، پخپل ټویټرپاڼه کې لیکلي چې په تهران کې یې د روسیې له سفیر سره لیدلي دي.

هغه زیاته کړې، په دې لیدنه کې دواړو لورو په افغانستان کې د ترهګرۍ او د دوی د ملاتړو په تړاو خپلې اندېښنې شریکې کړې دي.

حسن کاظمي ویلي چې په افغانستان کې د ترهګرۍ او په ځانګړې توګه د داعش له ګواښ سره باید له بېلابېلو لارو په ګډه مبارزه وشي.

د یادونې ده، نوموړي تېره اونۍ پاکستان ته د سفر پرمهال د دغه هېواد له چارواکو سره هم د افغانستان په تړاو خبرې کړې وې.

[/restrict]

Views: 73