کابل (پژواک، ۲۹ سلواغه ۱۴۰۱): د افغانستان کرکټ بورډ وایي، د افغان کرکټ ملي لوبډلې مینهوال کولای شي چې د افغانستان او اماراتو ترمنځ دویمه شل اووریزه لوبه په وړیا توګه په لوبغالي کې له نږدې وګوري.
دغه لوبه د افغانستان په وخت نن ماښام شپږنیمې بجې د متحده عربي اماراتو د ابوظبي ښار په شېخ زاید نړۍوال لوبغالي کې کېږي.
د افغانستان کرکټ بورډ نن په خپله فېسبوکپاڼه کې لیکلي، په متحده عربي اماراتو کې د افغان لوبډلې ټول مینهوال کولای شي لوبغالي ته راشي او د افغانستان او متحده عربي اماراتو ترمنځ د روانې لوبلړۍ دویمه لوبه وړیا ننداره کړي.
د افغانستان او اماراتو ترمنځ د درېیو شل اووریزو لوبو لړۍ د روانې فبرورۍ میاشتې په ۱۶مه پیل شوې چې د همدې میاشتې په ۱۹مه نېټه به پای ته ورسېږي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن