پکتیا کې د مړو شوو څارویو حلال‌ځای کشف او په تړاو یې یو کس نیول شوی

ګردېز (پژواک، ٨ ورى ١۴٠٢): د پکتیا مرکز ګردېز ښاروالۍ مسوولین وايي، یو داسې حلال‌ځای یې کشف کړی چې پکې مړه شوي څاروي او هغه حیوانات حلالېدل چې غوښه یې حرامه ده.

د يادې ادارې مطبوعاتي مسوول جمعه‌خېل همدرد پژواک خبري اژانس ته وويل: «د ګردېز ښاروالۍ کارکوونکو نن غرمه د حيواناتو داسې يو حلال‌ځاى کشف کړى چې مړه شوي او هغه حيوانات چې غوښه يې د خوړلو نه ده، په دې ځاى کې حلالېدل او په بازار کې پلورل کېدل.»

هغه زياته کړه، یاد حلال‌ځاى يې د ګردېز ښار په دویمه حوزه کې په يوه کور کې موندلى او په تور يې يو کس هم نيولى دى.

د نوموړي په خبره، ياد کس د ښاروالۍ او کرنې ریاست له جعلي مُهرونو څخه په استفادې د مړو شوو او مردارو څارويو غوښه د ګردېز ښار پر اوسېدونکو پلورله.

login or register a new account.