ښرنه (پژواک، ۱۹ غویی ۱۴۰۲): د پکتیکا په مرکز او دوو ولسوالیو کې د سویډڼ کمېټې په مالي ملاتړ د ۱۱ میلیون افغانیو په لګښت د څلورو ښوونځيو لپاره د ودانیو جوړولو چارې پيل شوې.
په دغه ولایت کې د سویډڼ کمېټې دفتر د عامه اړیکو مسوول سیفالرحمن شهاب پژواک خبري اژانس ته وویل، د دوی په مالي ملاتړ پرون په مرکز ښرنه، یوسفخېلو او برمل ولسوالیو کې د څلورو ښوونځيو د ودانیو جوړېدو کارونه پیل شول.
هغه زیاته کړه، د یادو ودانیو کارونه به د سویډن کمېټې د ۱۱ میلیون افغانیو په مالي لګښت په درېیو میاشتو کې بشپړ شي.
د نوموړي په وینا، د دغو ښوونځيو لپاره د اوبو او سولري برېښنا سیسټمونه هم برابر شي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن